السلام عليكم و رحمة الله و بركاته حبيباتي و جميلاتي
اليوم في هذا البوست بتكلم أنا "بو" عن منتجات استخدمتها من فترة قريبة
و استفدت منها و حبيتها ..و حبيت أفيدكم نفس ما أنا و أختي نستفيد من تجاربكم الحلوة
^.^
المنتج الأول هو منتج للشعر رائع بكل معنى
من ماركة Vo5
حطيت صورته في الإنستقرام من قبل
ينعم الشعر و يخليه ستريت بشكل صدق ممتاز و بدون ما يزيت الشعر
أنا أحب أستخدمه بعد ما أغسل شعري و أنشفه بالمنشفة و عقب أحطه
ملاحظة: حاليا أستخدم الشامبو من نفس الماركة للشعر الخفيف
و أقدر أقول إن الشامبو ممتاز ..الشامبو ينباع في كل سوبرماركت
المنتج الثاني هو كريم للشعر
شفته في السوبرماركت و عجبني شكله
و يوم أمي شافته قالت إنه كريم قدييييييم كان ينباع قبل و كانت يدتي تشتريه و تحطه في
شعور أمي و خالاتي :P
كريم ياردلي برائحة اللافندر
ريحة رهيبة ..و نعومة و شعر مرتب بدون سشوار ..أنصح بتجربته
مستحضرات الويه..أحب أبدأ بتونر جميل قريت عنه في مدونة
Elegant Girt الجميلة
إذا ما خاب ظني ..وأشكرها جدا لأن صج هالتونر عجبني و فادني بما إن بشرتي مختلطة دهنية وجافة
تونر ماي الشاي من محل لشّ الشهير
كريم ترطيب الويه من عشق البنات سوب أند قلوري
أنا بشرتي مختلطة مثل ما ذكرت ..و دوم أعاني من الجفاف
و جربت كريمات وايد و لا لقيت أي كريم مرطب مثل كريم سوب أند قلوري صراحة
اسم الكريم فور ديلي يوث
For Daily Youth
راااائع صدق راااائع..و الحمد لله من يوم ما استخدمته و بشرتي وايد ترطبت و تحسنت
هالكريم يابوا لي اياه من الخارج و لكن ان شاء الله ألقاه في صيدلية بوتس عندنا
و إن ما لقيته بطلبه أونلاين إن شاء الله
و الحين يه دور المكياج اللي استخدمته قريب و حبيته
أول شي بتكلم عن فرشاة ماك 224
هالفرشاة العجيبة نصحتني فيها خبريتي و جميلتي وفاء من مدونة
The Artistic hand
هالفرشاة أستخدمها لدمج الكونسيلر ..أتعب و أنا أقول روعه
حبيته جدا ..يدمج بكل حرفية و ترتيب
وكذلك قالت لي وفاء أستخدمه للكونتور
ماسكاراة شانيل الجديدة
ممتاااااااااااااااااااااااااازة إلى أقصى حد
تعطي كثااافة رهيبة ..يوم أحطها كل البنات يسألوني شو ماسكارتج؟
و أكيد ما بقطعها و برجع أشتريها لأن كثافتها غير طبييعية و لونها أسود حالك
و فرشاتها صغيرة توصل لكل الرموش
ديور فلاش كوريكتور
هالمنتج يمسح زوائد الآي لاينر
يعني لما ترسمين الآي لاينر بالغلط أو حتى الآي شادو لو لطخ الجفن بزيادة
تقدرين بهالقلم تمسحين كل شي بكل سهولة و بدون ما تخربين باقي مكياجج
سكراب الشفايف من لش بنكهة العلكة الجميله
Bubble Gum
ياللللللله شو أحب هالمقشر
طعمه ررررهيب و صدق مقشر لطيف و فعال
للإستخدام اليومي ..أنصح فيه و بشدة
قلوس ديور من المجموعة الجديدة
شاااااايني و لماع و سباركلي و كل شي
أحبه جدا .. و أحب أحطه على روج وردي أو فوق محدد شفايف بيج
يطلع اللون روووعه و هادي ..و خاصة للصبح سواء للشغل أو الجامعه
و بس
أتمنى هالمنتجات تكون عجبتكم و فادتكم
و يكون بوست خفيف عليكم
