Summer and Lip Gloss!

مسا الخير عليكم جميلاتنا 

موضوعنا اليوم فرش و سريع 

بما إن الصيف وصل .. و درجات الحرارة ابتدت ترتفع

لازم نكافئ أعمارنا بشي حلو ..ينسينا هذا الحر

طبعا ما في بنت ما تحب المكياج ..و لو دورنا على أسهل و أكثر شي يضفي حيوية و انتعاش على الويه

بيكون القلوس..وخاصة للصبح

كل الماركات و كل الشركات عندها ليب قلوس

ما في شركة مكياج ما نزلت هالإختراع الجميل ..و في هذا البوست بنخبركم أكثر القلوسات اللي عجبتنا من زمان

و شو القلوسات اليديدة اللي اشتريناها و حبيناها مؤخرا 

  مؤخرا طرحت ماركة ديور الجميلة

24 قلوس

يديد من مجموعة أديكت..أربعة من القلوسات ايي معاهم الروج المشابه لهم

من فترة اشترينا القلوس رقم 453

اسمه دولي بينك و مرة حطينا صورته في تويتر

رائع جدا .. و درجة الوردي جدا مميزة

أنا "بو" أحب أستخدمه فوق روج بيبي بينك

و أختي "ليس" تحب تستخدمه بروحه

لمعته قوية ..و يتم لفترة جيدة..يعني يثبت لوقت جيد 

مو مثل باقي القلوسات يطير بسرعه

كذلك أمس اشترينا قلوس سبرينغ بال ..و الروج المشابه له

يعطي الشفايف لوك حالم و طبيعي لأقصى حد

مناسب جدا للصبح ..للدوام ..للجامعة ..لأي مكان 

و لونه صيفي مشرق..كذلك من وجهة نظرنا مناسب لأي مناسبة خاصة إذا كنتي حاطة ميك عيون بألوان قويه

Spring Ball gloss and lipstick

لونه بالضبط نفس اللون اللي على العارضة في الصورة 

هذي القلوسات الأربعة اللي ايي معاهم الروج المطابق لهم

ثاني قلوس استخدمناه من فترة يمكن سنتين تقريبا و ليحين نحبه 

قلوس من شانيل رقمه 151

اسمه قولسمير

لونه لؤلؤي على ذهبي

أكثر شي نستخدمه على روج أحمر ..نحطه على الروج في وسط الشفايف

يعطي لوك جميل ..و حجم أكبر ..جربوا الطريقة بتعجبكم

 أنا "بو" أحب أستخدم هالقلوس على عظمة الخد كإضاءة

و النتيجة ترضيني و تعجبني جدا

 و أخيرا و ليس آخرا ..قلوسات بيوتي رش من فيكتوريا سيكرت

كل الألوان جميلة ..لمعتها قويه..وطعمها حلو 

جربنا كذا نوع ..و حبيناهم كلهم ..و الأحلى أسعارهم المناسبة للجميع صراحة

 و الحين يا جميلاتنا ..شو أحلى قلوس عندكم ؟ شاركونا تجاربكم الحلوة