السلام عليكم و رحمة الله و بركاته
اليوم بنتكلم عن منتجات بيبي جونسون ^.^ طبعا اللي أمهاتنا كانوا يستخدمونها لنا
يوم كنا صغار و كتاكيت :P
ولكن علاقتنا أنا و أختي بجونسون ما انتهت ..و أتوقع وايد منكم مازالوا يستخدمون هالمنتجات الجميلة
الريحة الحلوة و النعومة و الشعور الجميل أشيا جميلة ..مهما كبرنا في السن بنتم نبيها
صح و إلا ؟
المهم نترككم مع المنتجات اللي نستخدمها من بيبي جونسون
شامبو بيبي جونسون و كريم الشعر
شامبو بيبي جونسون مثل ما تعرفون هو شامبو لشعر الأطفال و لفروة راسهم الرقيقة
تقدرون تستخدمونه إذا تغسلون شعركم كل يوم ..لأنه خفيف و لطيف على فروة الراس
كريم الشعر ..منتج ممتاز و و يستحق الجدارة
هذا الكريم ريحته تجنن و ينعم الشعر و يسويه ستريت بطريقة جدا مرتبة و طبيعية
نحب نستخدمه على طول بعد ما ننشف شعرنا بالمنشفة
غسول الجسم
روعة ..روعة ..روعة
من فينا ما تحب ريحة البيبي؟
استخدموا هالمنتج و عيشوا التجربة الطفولية و إنتوا بأي سن
:D
كريم الجسم و فازلين بيبي جونسون
كريم الجسم ..مرطب وتقدورن تحطونه على كل أجزاء الجسم بما إنه أصلا مصنوع
لبشرة الأطفال الرقيقة..وإحنا بعد نستخدمه مرطب للوجه
هذا الفازلين معطر ..و فيه ريحة خفيفة
تعلمنا إن نحطه كمرطب للشفايف و لكعب الرجل و للأظافر
و بعد كل ليلة نحط كمية قليلة جدا على الرموش قبل النوم
لترطيب ..تقوية و تكثيف الرموش
بودرة الأطفال كم نعشقها
طبعا تنحط على الجسم
و إذا كانت بشرتكم جافة ..كل ليلة جربوا تحطون فازلين واخلطوه بشوية بودرة على الويه و ناموا
جربنا هالطريقة لمدة أسبوع تقريبا .,و صدق حسينا إنها ترطب الويه
و أخيرا ..لكل اللي يحبون معطرات الجسم و الكولونيا و البودي سبراي
هالمنتج ريحته منعشة و يرطب البشرة
جربوه ..و أكيد بتحبونه
تحياتنا لكل قارئاتنا الجميلات
;D
