مسا الخميس الجميل على الكل
اليوم بخبركم عن طريقة يديدة جربتها و حبيتها شخصيا..طريقة أنا صرت كل يوم أتبعها في وضع الماسكارا
طبعا قريت عن هالطريقة في الإنترنت و حبيت إني أجربها ..و النتيجة رائعة إلى أقصى حد
قريت في الإنترنت إن عشان تحصلين أحلى نتيجة في وضع الماسكارا
تحطين أول شي ماسكارا تكثف الرموش .. وبعدين تحطين ماسكارا تطول الرموش
و أنا كنت شارية ماسكارتين أول مرة أجربهم صراحة و عجبوني جدا جدا ..و شكلي بستمر عليهم لأنهم صدق يطولون و يكثفون الرموش
أول ماسكارا هي من بينفيت ..اسمها
They are real
و فعلا هالماسكارا من أفضل أنواع الماسكارات اللي استخدمتهم في حياتي .. جربت وايد و هالماسكارا عجبتني جدا
الميزة في هذي الماسكارا انها تكثف الرموش و تعقصهم بطريقة حلوة
أنا شخصيا أحط هالماسكارا أول شيء و بعدين أحط الماسكارا الثانية على طول فوقها ..يعني قبل لا تنشف
الماسكارا الثانية هي الماسكارا اليديدة من ديور ..اسمها
New Look
ميزة هذي الماسكارا ..انها تطول الرموش بطريقة ممتازة و الفرشاة مالتها صغيرة ..توصل لكل الرموش ..حتى أصغر رمشة
هالماسكارا فيها فيتامينات تغذي الرموش ..يعني بروحها تقوي الرموش مع الإستخدام المتكرر
يعني 1- أحط ماسكارة بينفيت
و بعدين 2- أحط ماسكارة ديور
و بس
:D
جربوا الطريقة و قولولي رايكم
1- They are real
2- New Look
No comments:
Post a Comment